Çin Xalq Respublikasının Honkonq və Makao Xüsusi İnzibati Regionlarının Hökumətləri tərəfindən rəsmiləşdirilmiş ümumvətəndaş pasportlarına malik şəxslərin 2026-cı ilin 2 fevral tarixindən 2027-ci ilin 2 fevral tarixinədək viza tələbindən azad olunmasına dair
Azərbaycan Respublikası ilə Çin Xalq Respublikası arasında hərtərəfli strateji tərəfdaşlıq əlaqələri nəzərə alınaraq, həmçinin ölkələrimiz arasında iqtisadi, mədəni, turizm və digər sahələrdə əməkdaşlığın daha da genişləndirilməsi məqsədilə Çin Xalq Respublikasının Honkonq və Makao Xüsusi İnzibati Regionlarının Hökumətləri tərəfindən rəsmiləşdirilmiş ümumvətəndaş pasportlarına malik şəxslərin Azərbaycan Respublikasının ərazisinə daxil olması olması üçün viza tələbi 2026-cı ilin 2 fevral tarixindən 2027-ci ilin 2 fevral tarixinədək ləğv edilir. Çin Xalq Respublikasının Honkonq və Makao Xüsusi İnzibati Regionlarının ümumvətəndaş pasportlarına malik şəxslər Azərbaycan Respublikasına il ərzində üç dəfə vizasız gələ və hər girişdə 30 günədək qala bilərlər.